Sefydlwyd yr elusen yn 2003 gyda chymorth Llywodraeth Cymru a Stonewall y DU. Mae ein gwaith wedi’i deilwra ar gyfer anghenion pobl LHD ledled Cymru, gan ddefnyddio cyfoeth o ymchwil gan Stonewall ledled Prydain.
Mae Stonewall Cymru yn parhau i gynghori Llywodraeth Cymru drwy waith ymchwil, lobïo ac ymgynghori â’r gymuned LHD. Un o’n llwyddiannau diweddar oedd gweld cyfeiriadedd rhywiol yn cael ei gynnwys yn Nyletswyddau Penodol Cymru (rhan o Ddeddf Cydraddoldeb 2010)
Rydym yn parhau i weithio gyda’r Heddlu ac asiantaethau cyfiawnder troseddol eraill, megis Gwasanaeth Erlyn y Goron, er mwyn annog pobl i roi gwybod am droseddau casineb homoffobig; gan wneud Cymru’n lle mwy diogel i bobl LHD.
Yn ddiweddar, rydym wedi ymuno â Chymorth i Ddioddefwyr Cymru i greu prosiect ‘Dydy Trosedd Ddim yn Ddigri’, sef gwasanaeth cyfrinachol i ddioddefwyr troseddau casineb homoffobig
Mae 90% o bobl ifanc yn clywed iaith homoffobig yn yr ysgol. Mae Stonewall yn parhau i weithio, drwy ein Hymgyrch Addysg i Bawb, i greu amgylcheddau dysgu cynhwysol i bobl ifanc.
Yn ddiweddar, rydym wedi creu nifer o ddeunyddiau ar gyfer athrawon, gan gynnwys ‘FIT’, sef ein drama i ysgolion wedi'i haddasu'n ffilm nodwedd, yn ogystal â chanllawiau defnyddiol ar faterion megis herio iaith homoffobig yn y dosbarth.
Mae ein gwaith ymchwil yn dangos bod ‘pobl yn perfformio’n well yn y gweithle pan maent yn cael bod yn nhw eu hunain’. Mae ein rhaglen Hyrwyddwyr Amrywiaeth yn cydnabod hyn, a thrwy’r rhaglen hon, rydym yn gweithio gyda chyflogwyr i greu amgylcheddau gwaith sy’n galluogi pobl LHD i fod yn nhw eu hunain.
Mae ein rhaglen yn gweithio gydag oddeutu 600 o gyflogwyr ym mhob cwr o Brydain Fawr.
Yng Nghymru, mae ein haelodau’n cynnwys Cynulliad Cenedlaethol Cymru, Cyngor Caerdydd a Chwaraeon Cymru
Gallwch chi ein helpu i wneud gwahaniaeth drwy wirfoddoli, cefnogi, neu roi rhodd.
Rhodd i Stonewall gwnewch gyfraniad diogel
Sylwadau am y dudalen