Gwneud Cwyn

Mae Cod Ymddygiad ar gyfer Dioddefwyr Troseddau y Swyddfa Gartref yn rheoli’r ffordd y mae’r asiantaethau canlynol yn darparu eu gwasanaethau:

• Y Comisiwn Adolygu Achosion Troseddol
• Awdurdod Iawndal am Anafiadau Troseddol
• Panel Apêl Iawndal am Anafiadau Troseddol
• Gwasanaeth Erlyn y Goron
• Gwasanaeth Llysoedd Ei Mawrhydi
• Unedau Gofal Tystion yr Heddlu/Gwasanaeth Erlyn y Goron ar y cyd
• Bob heddlu yn ardaloedd heddlu Cymru a Lloegr, Heddlu Trafnidiaeth Prydain a Heddlu’r Weinyddiaeth Amddiffyn
• Y Bwrdd Parôl
• Y Gwasanaeth Carchardai
• Y Gwasanaeth Prawf
• Timau Troseddwyr Ifanc

Bydd y Cod, a lansiwyd ar 3 Ebrill 2006, yn sicrhau eich bod yn derbyn y newyddion diweddaraf am ddatblygiadau yn eich achos. Cewch wybod pan fydd rhywun yn cael ei arestio am y drosedd, ei gyhuddo, derbyn mechnïaeth a’i ddedfrydu. Mae hefyd yn sôn am y gwasanaethau arbennig sydd ar gael ar gyfer dioddefwyr bregus a dan fygythiad.

Ymysg gofynion allweddol y Cod mae:

• hawl i wybodaeth am y drosedd oddi mewn i gyfnodau penodol o amser, gan gynnwys yr hawl i dderbyn hysbysiad am unrhyw arestio neu achosion llys
• swyddog cyswllt teulu penodol o’r heddlu ar gyfer perthnasau sy’n galaru
• gwybodaeth glir gan yr Awdurdod Iawndal am Anafiadau Troseddol am gymhwyster ar gyfer iawndal
• hysbysu bob dioddefwr am Cymorth i Ddioddefwyr, a naill ai eu cyfeirio atynt neu gynnig eu gwasanaeth
• gwasanaeth ehangach ar gyfer dioddefwyr bregus neu dan fygythiad
• hyblygrwydd i ddioddefwyr ddewis defnyddio gwasanaethau neu beidio er mwyn sicrhau eu bod yn derbyn y lefel o wasanaeth y maent yn ei ddymuno. 

Mae camau penodol ar gyfer gwneud cwyn, ac mae’r Cod yn rhoi gwybodaeth am sut i gwyno, gyda phwy i gysylltu a’r nifer o ddiwrnodau gwaith sy’n cael ei roi i asiantaethau ymateb i’ch cwyn.

Cliciwch yma i lwytho’r Cod Ymddygiad ar gyfer Dioddefwyr Troseddau i lawr.

Sylwadau am y dudalen

Sylwadau am y dudalen

Enw / ffugenw

Eich e-bost
(ni fydd yn cael ei arddangos)

Testun
(i ymddangos ar y dudalen hon)

Nodwch eich sylwadau
(i ymddangos ar y dudalen hon)

Nodwch eich sylwadau