maint testun

Diogelwch Personol

Gwnewch cymaint o sŵn ag sydd modd
Ceisiwch sefyll o flaen camera cylch cyfyng
Cyn gynted ag y bo modd, ewch i rywle y gwyddoch ei fod yn ddiogel
Gofynnwch am help ar unwaith
Adroddwch am y digwyddiad wrth eich gorsaf heddlu leol yn uniongyrchol. I gysylltu gyda’ch heddlu cliciwch yma.
Mewn argyfwng, ffoniwch 999
Peidiwch ag yfed alcohol, bydd angen i chi roi adroddiad clir am yr hyn a ddigwyddodd
Os ymosodwyd arnoch, peidiwch ag ymolchi na newid eich dillad, gall hyn ddinistrio tystiolaeth
Os colloch eich allweddi, newidiwch y cloeon
Os nad ydych yn ddigon hyderus i siarad yn uniongyrchol gyda’r heddlu ac nad ydych am roi eich enw, gallwch wneud cwyn yn ddi-enw gan ddefnyddio Ffurflen Hunan-Adrodd cliciwch yma. Mae bob adroddiad yn cael ei gymryd o ddifrif a gall helpu i’ch atal chi ac eraill rhag dioddef troseddau casineb.
Ond cofiwch, os na all yr heddlu gysylltu gyda chi, ni fydd modd iddynt gyhuddo’r troseddwr
Os oes angen cefnogaeth arnoch ond nad ydych am siarad gyda’r heddlu, cysylltwch â Cymorth i Ddioddefwyr.

Mewn argyfwng ffoniwch 999
Cadwch eich llygaid ar agor, a gofalwch eich bod yn ddiogel
Peidiwch ag ymyrryd yn gorfforol, gallech gael eich anafu
Cyn gynted ag y bo modd, ysgrifennwch bopeth y gallwch ei gofio am y digwyddiad ee: beth a ddywedwyd, a oedd yn agos i gamera cylch cyfyng, rhif car ayyb
Adroddwch am y digwyddiad yn uniongyrchol wrth yr heddlu cliciwch yma neu drwy ddefnyddio Ffurflen Hunan-Adrodd cliciwch yma. Mae pob adroddiad yn cael ei gymryd o ddifrif, a gall eich atal chi ac eraill rhag dioddef troseddau casineb.
Ond cofiwch, os na all yr heddlu gysylltu gyda chi, ni fydd modd iddynt gyhuddo’r troseddwr
Os oes angen cefnogaeth arnoch ond nad ydych am siarad gyda’r heddlu, cysylltwch â Cymorth i Ddioddefwyr.

Dylai ysgolion a cholegau gael polisïau / gweithdrefnau sy’n eich amddiffyn rhag camwahaniaethu a bwlio
Peidiwch â dioddef yn dawel. Nid ydych ar eich pen eich hun. Os na fedrwch gael sylw eich ysgol neu goleg, cysylltwch gydag un o’r grwpiau ieuenctid LHD ledled Cymru a all gynnig cefnogaeth a chyngor, cliciwch yma am fwy o wybodaeth.
Dywedwch wrth rywun. Nid yw pawb sy’n lesbiaidd, hoyw neu ddeurywiol yn dioddef bwlio homoffobaidd yn yr ysgol, coleg neu’r gweithle. Os yw’n digwydd, mae’n bwysig dweud wrth rywun.
Os na fedrwch ddweud wrth athro, teulu neu gyfaill, gallwch ddweud wrth rywun gan ddefnyddio Ffurflen Hunan-Adrodd cliciwch yma. Mae pob adroddiad yn cael ei gymryd o ddifrif a gallai gynorthwyo i’ch atal chi ac eraill rhag dioddef troseddau casineb.
Dywedwch wrth rywun os ydych yn cael eich bwlio.
Cliciwch yma am fwy o wybodaeth a chefnogaeth os ydych yn dioddef bwlio.

Rhodd i Stonewall gwnewch gyfraniad diogel