Cychwyn grwp lleol

Yn yr adran hon:

• Cychwyn grwp lleol :  gwybodaeth am sefydlu a rhedeg grŵp cefnogaeth LHD gwirfoddol.
• Datblygu eich grwp:  gwybodaeth am gyfansoddiadau, statws elusennol, cyfrifon banc a grwpiau gwirfoddol eraill.
• Cysylltiadau gyda grwpiau gwirfoddol eraill 
• Gwybodaeth Cyllid 

Cychwyn grŵp lleol

• Dewiswch le diogel a hygyrch er mwyn cynnal eich cyfarfod cyntaf
• Hysbysebwch y cyfarfod cyntaf yn lleol
• Meddyliwch am y ffyrdd gorau o gysylltu ag unigolion LHD a'u hannog i ymuno â chi
• Gwahoddwch grwpiau LHD eraill i gymryd rhan. Cliciwch yma am restr o grwpiau lleol fesul rhanbarth.

Bydd eich cyfarfod cyntaf yn gosod sail ar gyfer datblygu a chynnal y grŵp, felly bydd angen i chi gymryd amser i ddod i adnabod eich gilydd a thrafod amcanion a gweithgareddau'r grŵp. Penderfynwch pwy fydd yr aelodau a beth yr ydych am ei weld yn bwrpas i'r grŵp. Bydd yn ddefnyddiol nodi pa sgiliau a phrofiad sydd gan bobl i'w gyfrannu i'r grŵp.

Mae cysylltiadau cyfathrebu cadarn yn bwysig ar gyfer llwyddiant eich grŵp. Os oes cyfeiriad e-bost gan bob un ohonoch, gellid sefydlu e-grŵp drwy amrywiol weinyddion rhyngrwyd, megis Yahoo neu Google.

Os ydych am gyfyngu eich aelodaeth i bobl LHD yn unig, bydd angen i chi fod yn ymwybodol o Ddeddf Cydraddoldeb 2006 a all fod â chyfyngiadau ar gynnwys cyfeiriadedd rhywiol arbennig fel amod aelodaeth ar gyfer clybiau a sefydliadau aelodau preifat. Cliciwch yma am fwy o wybodaeth.

Adnoddau ar gyfer sefydlu grŵp

Mae'r sefydliadau canlynol yn darparu gwybodaeth ac arweiniad ar sefydlu grŵp.

VolResource

www.volresource.org.uk 
Bwriad VolResource yw cynnig gwybodaeth ddefnyddiol, yn gyflym ac yn syml, ar unrhyw fater yn ymwneud â rhedeg sefydliad gwirfoddol (boed yn grŵp cymunedol, elusen neu gorff arall heb elw).

Community Matters

www.communitymatters.org.uk
Community Matters yw Ffederasiwn Genedlaethol Sefydliadau Cymunedol, gyda dros 1100 aelod-sefydliad ledled y DG.

Mae ganddynt adnoddau gwych ar ffurf Taflenni Gwybodaeth ar ystod eang o bynciau defnyddiol, megis:

• Cynnal Cyfarfodydd Cyffredinol Blynyddol
• Swyddogaethau'r Trysorydd / Cadeirydd / Ysgrifennydd
• Polisi Cyfle Cyfartal ayb
• Trefnu digwyddiad

a sawl agwedd arall o fod yn grŵp cymunedol. Cysylltwch neu ymunwch:

Community Matters

12-20 Baron Street, Llundain N1 9LL
Ffôn: 020 7837 7887 Ffacs: 020 7278 9253
Ebost: communitymatters@communitymatters.org.uk 

Groundswell UK 'Toolkit for Change'

www.groundswell.org.uk 
Mae Groundswell wedi cynhyrchu llawlyfr o'r enw 'Toolkit for Change', gyda gwybodaeth ymarferol ar sefydlu a rhedeg prosiect, y gellir ei lwytho i lawr o'u gwefan. Mae Groundswell yn elusen genedlaethol sy'n cefnogi rhwydweithiau o bobl a phrosiectau sydd wedi ymrwymo at agweddau cynhwysol o daclo digartrefedd, tlodi ac eithriad.

Groundswell
Elmfield House 5 Stockwell Mews Llundain SW9 9GX
Ffôn: 020 7737 5500 Ffacs: 020 7733 1305
E-bost: info@groundswell.org.uk 

Datblygu eich grŵp 

Mae'r adran hon yn darparu gwybodaeth am gryfhau eich grŵp er mwyn eich galluogi i ymgeisio am gyllid. Mae'r camau nesaf yn hanfodol er mwyn datblygu a chynnal eich grŵp.

Cyfansoddiad

Cyfansoddiad yw dogfen sy'n disgrifio'r rheolau sy'n rheoli dulliau gweithredu eich grŵp. Mae'n darparu fframwaith ar gyfer y ffordd y bydd eich grŵp yn gweithredu. Mae'r cyfansoddiad yn egluro beth yw eich grŵp, ar gyfer beth y mae'n bodoli, pwy all ymaelodi a beth yw hawliau a chyfrifoldebau yr aelodau. Mae'n gosod y rheolau ariannol megis pwy sy'n rheoli'r arian a rheolau dros adroddiadau ariannol a chadw cyfrifon cywir.

Mae cyfansoddiad yn ddefnyddiol gan ei fod yn sicrhau bod pawb yn gwybod sut y mae penderfyniadau yn cael eu cymryd a phwy sy'n gorfod wynebu'r canlyniadau. Mae hefyd yn dangos i eraill y tu allan i'ch grŵp, megis arianwyr neu aelodau posibl, beth yw pwrpas eich grŵp a sut y mae ei gyllid yn cael ei reoli. Efallai y byddwch hefyd am gynnwys cymalau sy'n delio gyda'r broses ddisgyblu a chwynion ar gyfer aelodau, cod ymddygiad, ffurfio a diddymu'r grŵp a chyflogi staff a sicrhau eiddo os yn berthnasol.

Os yw eich incwm yn llai na £1000 mae'n bosibl nad oes angen i chi gofrestri fel elusen ac y gallwch ddefnyddio cyfansoddiad ar gyfer sefydliad bychan cymunedol anelusennol.

Clicwch yma am enghraifft o gyfansoddiad.

Statws Elusennol 

Am statws elusennol a chofrestri ewch at y Comisiwn Elusennau dros Gymru a Lloegr. Mae'r Comisiwn Elusennau wedi cyhoeddi canllaw defnyddiol o'r enw 'Dewis a Pharatoi Dogfen Lywodraethol' (Cyf:CC22), sydd wedi ei anelu at helpu elusennau i baratoi cyfansoddiad, ond a all fod yn ddefnyddiol i grwpiau bychain eraill mewn sefyllfa debyg.

Bydd cofrestri fel elusen yn eich cynorthwyo i gyrraedd at adnoddau cefnogol megis:

IT for Charities

www.itforcharities.co.uk 
Canllaw adnoddau TG ar gyfer elusennau a sefydliadau di-elw yn y DG, gan gynnwys cysylltiadau gyda sefydliadau sy'n cynnig prisiau arbennig i elusennau ar offer cyfrifiadurol wedi'i ailgylchu.

Cyfrif banc

Gall elusennau neu grwpiau cymunedol bychain gael bancio 'am ddim' ond gall hyn olygu colli llog a chostau uwch fesul trafodiad. Mae'n werth asesu pa fath o drafodion yr ydych yn eu prosesu fwyaf (e.e. nifer o dderbyniadau bach ar ffurf siec yn hytrach nag un credyd uniongyrchol mawr megis grant) gan y gall hyn effeithio'n fawr ar ba fanc yw'r gorau i chi. Mae gan VolResource restr o fanciau ar gyfer sefydliadau elusennol sy'n darparu cyfrifon cyfredol, derbyn adneuon a gwasanaethau buddsoddi.

Cysylltiadau gyda grwpiau gwirfoddol eraill

Mae sefydliadau gwirfoddol yn amrywio o sefydliadau cymunedol bychain i rai mwy, a mwy adnabyddus. Gall bod yn rhan o'r sector wirfoddol fod o fantais i grwpiau.

Consortiwm o Sefydliadau Gwirfoddol a Chymunedol Lesbiaidd, Hoyw a Deurywiol 

www.lgbconsortium.org.uk 
Mae'r Consortiwm yn gweithredu yn Lloegr yn bennaf. Mae ganddo'r blaenoriaethau canlynol:

• Cefnogi'r cysylltiadau rhwng grwpiau ar lefel rhanbarthol a lleol
• Datblygu rhwydweithio rhwng grwpiau sy'n ymgymryd â gwaith tebyg ledled y DG
• Gwella hygyrchedd at, a gwybodaeth am, gyfleoedd cyllido ar gyfer grwpiau LHD
• Hyrwyddo cyfleoedd i bobl LHD ymwneud â gweithredu cymunedol a gwirfoddol
• Datblygu llais cenedlaethol ar gyfer y sector
• Llunio cysylltiadau gyda sefydliadau prif ffrwd a all gynnig cefnogaeth arbenigol i brosiectau.

Consortiwm o Sefydliadau Gwirfoddol a Chymunedol Lesbiaidd, Hoyw a Deurywiol
Uned J414, Tower Bridge Business Complex, 100 Clements Road
Southwark, Llundain SE16 4DG
Ffôn:020 7064 8383, E-bost: admin@lgbtconsortium.org.uk 

Cyngor Gweithredu Gwirfoddol Cymru

www.wcva.org.uk 
Y WCVA yw llais y sector wirfoddol yng Nghymru. Maent yn cynrychioli ac yn ymgyrchu dros sefydliadau gwirfoddol, gwirfoddolion a chymunedau gan gynrychioli barn ei aelodau a'r sector wirfoddol ehangach yn y Cynulliad Cenedlaethol, y Comisiwn Elusennau, yr Undeb Ewropeaidd a chyrff eraill. Mae hefyd yn darparu gwybodaeth a chyngor i sefydliadau gwirfoddol drwy ei desg gymorth, cyhoeddiadau, cylchgrawn Network News, digwyddiadau a rhwydweithiau gwybodaeth.

Cynghorau Gwasanaethau Gwirfoddol neu Cynghorau Gwirfoddol

www.wcva.org.uk 
Mae Cynghorau Gwasanaethau Gwirfoddol neu Gynghorau Gwirfoddol ym mhob un o'r awdurdodau lleol ac maent yn annog cyfranogaeth grwpiau cymunedol a sefydliadau gwirfoddol mewn gweithgaredd gwirfoddol ac yn darparu cefnogaeth a gwybodaeth i'r grwpiau gwirfoddol sy'n aelodau.

Cymru ar y We

www.cymruarywe.org
Mae Cymru ar y We yn darparu canllaw helaeth a chysylltiadau at y sector wirfoddol yng Nghymru a'r prif sefydliadau cysylltiedig.

* Nid yw Stonewall yn derbyn unrhyw gyfrifoldeb dros gynnwys safleoedd allanol.

Sylwadau am y dudalen

Sylwadau am y dudalen

Enw / ffugenw

Eich e-bost
(ni fydd yn cael ei arddangos)

Testun
(i ymddangos ar y dudalen hon)

Nodwch eich sylwadau
(i ymddangos ar y dudalen hon)

Nodwch eich sylwadau