maint testun

Comisiwn Cydraddoldeb a Hawliau Dynol (CCHD)

Mae’r wybodaeth ganlynol yn benodol ar gyfer cyd-destun, grym cyfreithiol, gwasanaethau cynghori a datblygiad polisi Cymru.

Mae’r CCHD yng Nghymru yn gweithio yng nghyd-destun cydraddoldeb yng Nghymru, ac yn medru gosod ei flaenoriaethau ei hun i raddau. Mae’n canolbwyntio ar waith 'traws ffrwd'; sef ystyried y person cyfan a’r anfanteision yn y gymdeithas a’r economi o ran cyfuniadau o gyfeiriadedd rhywiol, rhyw, oed ac ethnigrwydd ayyb.

Mae Stonewall Cymru yn gweithio’n agos gyda Chynulliad Cenedlaethol Cymru, Stonewall ledled Prydain, a’r comisiynau cydraddoldeb cyfredol yng Nghymru i godi ymwybyddiaeth am faterion anghydraddoldeb LHD ym myd cyflogaeth, addysg, darparu gwasanaethau lleol ayyb. Hefyd gweithiwyd gyda’r partneriaid hyn i sicrhau bod y corff newydd, wrth gychwyn, yn deall anghenion cydraddoldeb poblogaethau amrywiol yng Nghymru, a’i fod yn medru parhau gyda’r trefniadau gwaith consensws a ddatblygwyd dros gyfnod o amser rhwng ac ymysg y ffrydiau cydraddoldeb yng Nghymru.

Cliciwch yma am fwy o wybodaeth am y CCHD.

Mae Stonewall Cymru yn falch iawn bod Neil Wooding, cyn gyd-Gadeirydd Stonewall Cymru, wedi ei benodi fel Comisiynydd CCHD Cymru.