Gwasanaethau Cynghori

Yn 2003, roedd adroddiad yn gwerthuso argaeledd gwasanaethau cynghori ar gyflogaeth yng Nghymru, wedi disgrifio'r sefyllfa fel 'anialdir cyngor' Snakes and Ladders 2002 (Yn Saesneg yn unig).

Comisiynwyd yr ymchwil ar y cyd gan gomisiynau cydraddoldeb statudol Cymru; EOC, DRC a CRE.  Wrth ganolbwyntio ar y ddeddfwriaeth a oedd yn bodoli ar y pryd, ni ystyriwyd Rheoliadau Cydraddoldeb Cyflogaeth (2003) ynghylch tueddfryd rhywiol, crefydd a chredo, ac oedran (ddaw i rym yn 2006).  Mae hyn yn golygu y gallwn ragweld y bydd y sefyllfa enbyd o ran darpariaeth rhoi gwybodaeth a chyngor mewn perthynas â chenedl, hil ac anabledd, lawer gwaeth ar gyfer tueddfryd rhywiol.

Darganfu'r adroddiad bod:

• diffyg gwybodaeth am hawliau a ffynonellau gwybodaeth;
• yr isadeiledd ar gyfer cyflwyno cyngor, cefnogaeth a chynrychiolaeth yn wan;
• diffyg hyfforddiant ac achredu ymysg y darparwyr gwasanaethau mwyaf;
• systemau cyfeirio a chydlynu gwael rhwng asiantaethau gan gynnwys methu â throsglwyddo arbenigedd rhwng asiantaethau.
  

O ganlyniad i'r diffyg darpariaeth hwn yng Nghymru, mae'r adroddiad yn nodi bod gwahaniaeth sylweddol rhwng cael cyfraith cydraddoldeb cyflogaeth ffurfiol a gallu cael cyfiawnder yn ymarferol:

Nid yw ymgeiswyr o Gymru yn mynd i'r system dribiwnlysoedd ar delerau sy'n gydradd â rheiny eu cymheiriaid yn rhannau eraill o'r DU ac mae'n bosibl nad ydynt yn gallu sicrhau canlyniadau cyffelyb (t. 4)

Mae ariannu darparwyr cyffredinol y pen yng Nghymru yn is o gymharu â Lloegr (t.10)

Mae angen sylweddol yng Nghymru nad yw'n cael ei ateb. Nid yw cynifer o ymgeiswyr posibl yn mynd i'r system ennill iawn yn dilyn gwahaniaethu yn y gwaith oherwydd rhwystrau daearyddol, economaidd, seicolegol a diwylliannol (t.8)

Ers yr adroddiad, mae'r EOC a'r DRC wedi gweithio'n agos gyda Chyngor Ar Bopeth ar faterion trosglwyddo arbenigedd. Adviceguide - Cymru 

Mae MEWN Cymru, y sefydliad ymgyrchu i ferched o leiafrifoedd ethnig yng Nghymru, wedi comisiynu adroddiad pellach ar oresgyn rhwystrau diwylliannol i ddarparu gwasanaethau cynghori mewn modd priodol www.mewn-cymru.org.uk 

Mae'r Comisiwn Gwasanaethau Cyfreithiol wedi cyhoeddi strategaeth gynghori newydd i Gymru ar sail gweithio mewn partneriaeth.  Ei nod yw sicrhau bod cydraddoldeb cyfreithiol ffurfiol yn cael ei droi'n gyfiawnder cymdeithasol drwy helpu pobl i fynnu eu hawliau.
Gwefan LSC: Cymru (Caerdydd) 

Yn benodol, bydd y wefan a'r gwasanaeth llinell ffôn gymorth gan Gwasanaeth Cyfreithiol Cymunedol Uniongyrchol yn cynnig gwybodaeth am gyflogaeth a'r ystod lawn o faterion cyfreithiol yn uniongyrchol i'r cyhoedd
Gwasanaeth Cyfreithiol Cymunedol Uniongyrchol neu Ffôn: 0845 3454345

Serch hynny, ar hyn o bryd nid oes gwasanaeth penodol yn darparu gwybodaeth i lesbiaid, dynion hoyw na phobl ddeurywiol yng Nghymru.  Nid oes chwaith arbenigedd i weithio gyda darparwyr cyngor a chomisiynau statudol cyfredol i drosglwyddo gwybodaeth, mewnwelediad i rwystrau diwylliannol nac arbenigedd o ran materion cyfeiriadedd rhywiol yn y gweithle.

Sylwadau am y dudalen

Sylwadau am y dudalen

Enw / ffugenw

Eich e-bost
(ni fydd yn cael ei arddangos)

Testun
(i ymddangos ar y dudalen hon)

Nodwch eich sylwadau
(i ymddangos ar y dudalen hon)

Nodwch eich sylwadau