Stonewall Cymru yn ymateb i ddatganiad Llywodraeth San Steffan ar briodas gyfartal

Yn dilyn ymgyrch hir gan Stonewall, cyhoeddodd y Gweinidog Cydraddoldeb Maria Miller unwaith eto y byddai’r llywodraeth yn deddfu i ganiatáu priodas gyfartal, a’r posibilrwydd o optio i mewn ar gyfer sefydliadau crefyddol sydd am gynnig seremonïau priodas i gyplau o’r un rhyw.

Dywedodd Andrew White: ‘Rydyn ni’n falch iawn o glywed datganiad llywodraeth San Steffan heddiw. Mae ein croeso i’r addewid y bydd yn deddfu i ganiatáu priodas gyfartal yr un mor gynnes heddiw ag yr oedd ein croeso ar y tri achlysur blaenorol y mae’r llywodraeth wedi gwneud y datganiad.

Rydyn ni’n arbennig o falch bod gweinidogion wedi cael eu darbwyllo i ymestyn eu cynigion blaenorol er mwyn caniatáu priodasau rhwng cyplau o’r un rhyw ar gyfer yr enwadau crefyddol hynny sy’n dymuno eu cynnal. Mae hwn yn fater pwysig o ryddid crefyddol.

Er ein bod yn parchu safbwynt y rhai sy’n gwrthwynebu cynlluniau’r llywodraeth, rydyn ni’n dal i ddweud mai’r cyngor gorau iddyn nhw yw hyn: os nad ydych chi am gael priodas gyda rhywun o’r un rhyw, gwnewch yn siŵr nad ydych chi’n priodi rhywun o’r un rhyw.’

Sylwadau am y dudalen

Sylwadau am y dudalen

Enw / ffugenw

Eich e-bost
(ni fydd yn cael ei arddangos)

Testun
(i ymddangos ar y dudalen hon)

Nodwch eich sylwadau
(i ymddangos ar y dudalen hon)

Nodwch eich sylwadau