Gwnewch gyfraniad rheolaidd

Mae ymgyrchu Stonewall Cymru wedi arwain at lu o newidiadau deddfwriaethol sy’n cynnig cydraddoldeb i bobl hoyw ac sy’n ein diogelu yn y gwaith, yn y gwasanaethau rydyn ni’n eu defnyddio, ac yn ein perthnasau. Fodd bynnag, newid y gyfraith yw’r peth hawdd yn aml; mae’r her anoddaf yn aros, sef newid profiad bob dydd pobl lesbiaidd, hoyw a deurywiol yng Nghymru.

Cawn ein hatgoffa yn barhaus bod llawer o ragfarn i’w goresgyn o hyd – dyna pam y mae Stonewall yn parhau i lobïo, i addysgu ac i ymgyrchu.

Mae Stonewall Cymru wedi gwneud cynnydd mawr ar y daith tuag at gydraddoldeb, ond mae llawer i’w gyflawni o hyd. Er enghraifft, mae ymgyrch Addysg i Bawb Stonewall yn gweithio gydag ysgolion, athrawon a phobl ifanc er mwyn rhoi diwedd ar fwlio homoffobaidd.

Rydyn ni’n dibynnu ar unigolion – fel chi – i gefnogi ein gwaith wrth i ni barhau i wella bywydau miliynau o bobl. Os ydych chi am helpu i greu Cymru lle bydd gan bobl lesbiaidd, hoyw a deurywiol nid yn unig hawl i driniaeth gyfartal yn ôl y gyfraith, ond lle byddan nhw’n cael y driniaeth honno hefyd, dewch yn Gyfaill neu’n Gyfaill Clos i Stonewall Cymru heddiw.

Er mwyn dod yn Gyfaill i Stonewall Cymru, rhowch £5 neu ragor y mis er mwyn cefnogi ein gwaith hanfodol. Byddwch yn cael:

• Y rhifyn diweddaraf o’n cylchgrawn i Gyfeillion sy’n tynnu sylw at lwyddiannau diweddar a’n gwaith presennol
• Pin llabed seren Stonewall
• Gwahoddiadau i nosweithiau a digwyddiadau arbennig i Gyfeillion

Cyfrannwch £20 neu ragor bob mis a byddwch yn Gyfaill Clos i Stonewall Cymru, ac yn mwynhau’r holl fanteision uchod, yn ogystal â’r canlynol:

• Blaenoriaeth wrth archebu lle yng Nghinio Cydraddoldeb blynyddol Stonewall
• Gwahoddiad i Wobrau blynyddol Stonewall
• Gwahoddiadau i Nosweithiau Addewidion a Digwyddiadau Seneddol ecsgliwsif

Cliciwch yma i drefnu eich cyfraniad rheolaidd ar-lein 

Sylwadau am y dudalen

Sylwadau am y dudalen

Enw / ffugenw

Eich e-bost
(ni fydd yn cael ei arddangos)

Testun
(i ymddangos ar y dudalen hon)

Nodwch eich sylwadau
(i ymddangos ar y dudalen hon)

Nodwch eich sylwadau